Yenilənmiş qaydalara əsasən, Repo bazarında iki növ AINA (Azn INdex Average) indeksi hesablanır:
1. Banklararası əqdlər əsasında hesablanan AINAIB indeksi;
2. Bütün əqdlər əsasında hesablanan AINAAO indeksi.
Bu indekslər əməliyyatın növünə görə təyin olunur və Repo bazarının dinamikası haqqında məlumat təqdim edir.
Repo bazarında əməliyyatların müddətinə görə dəyişən indekslər müəyyənləşdirilmişdir:
1-3 gün müddətli indekslər: 1D AINAIB və ya 1D AINAAO;
6-8 gün müddətli indekslər: 1W AINAIB və ya 1W AINAAO;
13-15 gün müddətli indekslər: 2W AINAIB və ya 2W AINAAO;
29-32 gün müddətli indekslər: 1M AINAIB və ya 1M AINAAO.
Bu indekslər bazar iştirakçılarına etibarlı investisiya qərarları vermək imkanı verir. Ayrıca, Bakı Fond Birjası tərəfindən təqdim olunan yenilənmiş qaydalar, birjanın bazar iştirakçılarına güvənilir əməliyyatların icrasına da zəmin yaradır.
Yenilənmiş qaydalar çərçivəsində indekslərin hesablanması və açıqlanmasına dair məlumatlar, Repo açılış əqdlərinin nominal üzrə məbləği, əqdlərin sayı, minimal və maksimal faiz dərəcəsi birjanın internet səhifəsində, əməliyyatların icra olunduğu günün növbəti iş günü saat 10:00-dək yayımlanır.
"PAŞA Kapital İnvestisiya Şirkəti" QSC, Bakı Fond Birjasının Repo bazarındakı indekslərin hesablanması və açıqlanmasına dair yenilənmiş qaydalarının tətbiqində əhəmiyyətli rol oynayır. Şirkət, Bakı Fond Birjasının təqdim etdiyi yenilikləri qəbul edərək bazarın sürətli, şəffaf və effektiv inkişafına dəstək olmaqdadır.