- Sizi emosiyalarınızdan daha güclü edir
Araşdırmalar göstərir ki, emosional intellekti aşağı olan insan öz qəzəbini kontrol edə bilmir. Beləliklə, treyder icra etdiyi əməliyyatdan narazı olarsa, güclü emosiyaların təsiri altında səhv qərarlar qəbul edə bilər. Düşünülməmiş addımların böyük qismi isə maliyyə itkiləri ilə nəticələnir.
- Onunla Zamanınızı daha yaxşı idarə edirsiniz
Emosional intellekt investora addımlarını planlaşdırmağa və prioritetləri təyin etməyə kömək edir. O, bazarı rasional şəkildə analiz etməyə və hədəfləri təyin etməyə yardımçı olur.
- Məsuliyyət götürürsünüz
Bazarda müsbət əməliyyatlar olduğu kimi, zərərlə də üzləşmək mümkündür. Mənfi nəticələrin məsuliyyətini başqalarına yükləsəniz, heç vaxt səhvinizdən öyrənə bilməyəcəksiniz. Səvhlərdən nəticə çıxararaq, daha məsuliyyətli olmaqda isə sizə emosional intellekt kömək edəcək.
- Qərarlı və əmin hərəkət edirsiniz
Bu hissi inadkarlıqla səhv salmayın. Qərarlı olmaq kənar faktorlardan asılı olmayaraq öz mövqeyinizi qorumaqdır. Bu hiss, həmçinin mənfi əməliyyatları uğursuzluq kimi deyil, təcrübə kimi qiymətləndirməyə kömək edir.
- Empatiyanı inkişaf etdirirsiniz
Digərlərinin emosiyalarını başa düşmək üçün güclü empatiya hissiniz olmalıdır. Bu bacarıq xəbərlərə olan reaksiyanı düzgün ölçməyə kömək edir və treyder üçün əsas psixoloji faktorlardan biri kimi çıxış edir.
Emosional intellekti necə inkişaf etdirə bilərsiniz?
- Dürüst olun
Bu bacarığı yoxlamaq üçün bir sadə tapşırıq var: vərəqdə özünüz haqda bəyəndiyiniz və bəyənmədiyiniz xüsusiyyətləri qeyd edin. Daha sonra isə emosional intellektin əsas prinsiplərindən birinə əməl edin: mənfi cəhətlərinizin yanında onun səbəbini və müsbət niyyəti qeyd edin.
Məsələn, “bazardakı dəyişikliklərə impulsiv reaksiya bildirirəm”. Bu reaksiyanı yüksək gəlir hədəfləri üçün edirsiniz. Mənfilərinizin üzərində işləyin, lakin unutmayın ki, enerjik yanaşma sizə bazar şəraitinə qarşı yüksək adaptivlik təqdim edir.
- Davranışınızı dəyərləndirin
Addımlarınızın arxasında olan səbəbləri axtarmaq çətin ola bilər, amma düzgün cavab sizə hər 3 səviyyədə reaksiya göstərir: məna, bədən və hisslər – bunlar emosional intellektin təməl konseptini təşkil edir. Əgər bu üçündən birində olan reaksiyanızı dəyişsəniz, digərlərinə də təsir göstərmiş olacaqsınız.
Məsələn, investisiya etməyi təxirə salırsınız.
Məna: bilirsiniz ki, qorxu və əminsizlik hissindən dolayı investisiyaya başlaya bilmirsiniz. Burada əsas məqam vəsaitinizi itirməkdən qormağınızdır. Yəni, siz riski idarə etmək üçün bu qərarı təxirə salırsınız.
Bədən: mənanı anladıqdan sonra gərginlik hiss etmirsiniz, bilirsiniz ki, bu qorxu maliyyə stabilliyinizi qorumaq üçün yaranan təbii reaksiyadır.
Emosiyalar: narahatlığın əvəzinə özünüzü daha əmin hiss edirsiniz. Nəticə olaraq siz anladınız ki, qorxunuza qalib gəlmək üçün maliyə savadlılığını artırmaq və müəyyən vəsaitlə investisiyaya başlamaq lazımdır.
İnvestisiya qərarlarında isə ödənişsiz konsultasiya və xüsusi mütəxəssis dəstəyi xidməti ilə PAŞA Kapitalın peşəkar komandası sizə dəstək olmaq üçün hazırdır!