Rey Dalio aktivlərin qiymətinə təsir edən əsas faktorları qeyd edir:
– İnflyasiya;
– Deflyasiya;
– İstisadi artım;
– İqtisadi eniş.
Portfelin strukturu:
- 40% – uzunmüddətli istiqrazlar
Stabil şəkildə kupon ödənişini təmin edir.
- 30% – səhmlər
Riskli, amma yüksək potensiala malik alətlərdir.
- 15% – ortamüddətli istiqrazlar
Portfelin ən az volatilliyə malik hissəsini təşkil edir.
- 7,5% – qızıl
Etibarlı və eyni zamanda, volatil aktivdir.
- 7,5% – əmtəələr
İnflyasiyadan qoruyur.
Məntiq – fərqli iqtisadi dövrlərdə portfelin sabit qalmasıdır.
Aşağıda müxtəlif “mövsümlərdə” olan aktivləri bir araya toplayaraq, onların xüsusiyyətlərini qeyd etdik.
Maraqlı qeyd: diqqət etdinizsə, bu portfeldə kriptovalyutalar yer almır. Buna əsas səbəb isə strategiya yarandığı zaman bu alət növünün mövcud olmaması idi. Bu gün isə onları yüksək volatilliyə görə əlavə etmirlər. Çünki, kriptovalyutaların qiyməti gün ərzində olduqca yüksək dəyişimlərə məruz qala bilər. Bu isə, portfelin ümumi məntiqinə ziddir.
Fərqli “mövsümlərə” uyğun aktivlər:
- İnflyasiya - Qızıl və digər əmtəələr
- Deflyasiya - İstiqrazlar
- İqtisadi artım - Səhmlər
- İqtisadi eniş - İstiqrazlar
Tövsiyə:
İstənilən portfeldə olduğu kimi, bu strategiyada da vaxtlı-vaxtında aktivləri balanslaşdırmaq çox önəmlidir. Məsələn, əgər səhmlərin qiyməti kəskin şəkildə artıbsa, onlar portfeldə daha çox yer tuta bilər. Bu isə, əslində, heç də yaxşı hal deyil. Belə ki, yüksək volatillik zamanı portfelin dəyəri kəskin şəkildə mənfi istiqamətdə dəyişə bilər. Mütəxəssislər bu portfelə ildə 2 dəfə qayıtmağı və ona nəzarət etməyi tövsiyə edir.
Mənfi və müsbət cəhətlər:
Üstünlüklər:
- Etibarlılıq;
- Böhrana qarşı davamlılıq;
- Vaxta qənaət;
- Uzunmüddətli gəlir imkanı.
Mənfi cəhətlər:
- Adətən, aşağı gəlir vəd edir;
- Kapitalın artımına deyil, dəyərin qorunmasına fokuslanır.
PAŞA Kapital ilə investisiya
PAŞA Kapitalın platforması vasitəsilə istənilən cihazda, 24/7 ticarət edə və ya uzunmüddətli yatırımlar edərək, passiv gəlir imkanı formalaşdıra bilərsiniz. 3000-dən çox alətlə məhz sizə uyğun portfeli qurun və etibarlı investisiya ilə kapitalınızı artırın.
Əgər uğurlu strategiya axtarışındasınızsa, peşəkar əməkdaşlarımız sizə bu işdə məmnuniyyətlə dəstək göstərəcək.