Perspektivlər:
Müasir strategiya investorlara aktivlərinin 5-7%-ni incəsənət əsərlərinə diversifikasiya etməyi nəzərdə tutur. Demək olar ki, səhm və istiqraz bazarından asılı olmayan bu investisiya aləti, daha dözümlü hesab oluna bilər.
Lakin nəzərə almaq lazımdır ki, incəsənətə olan investisiya uzunmüddətlidir. Qədim əsərlərin isə daha yavaş dəyişir.
İnvestisiya üsulları:
1. Əsərlərin alışı: rəsm əsərləri, antikvar əşyalar və s.;
2. İncəsənət sahəsi ilə bağlı olan səhmlərin alışı;
3. NFT alışı və ya əsərin tokenləşməsi.
Araşdırmalar və rəqəmlər:
2021-ci ildə “Deloitte” $30 milyon xalis gəlir əldə edən şəxslər arasında sorğu keçirdi. Sorğuda iştirak edənlərin 76%i incəsənət əsərlərinin investisiya portfelində əhəmiyyətli rol oynadığını təsdiqlədi.
“Deloitte”in eyni ildə və həmin qrupla daha bir araşdırmasına görə, sorğuda iştirak edənlərin:
• 64%-i əsərləri investisiya dəyərlərinə görə əldə edir;
• 30%-i şəxsi zövqünə görə kolleksiya yığır;
• 6% incəsənət sahəsinin inkişafı üçün investisiya edir.
“Salomon Brothers” investisiya bankının araşdırmasına əsasən, 20 il ərzində köhnə rəsm əsərlərinin dəyərinin səhm, istiqraz və daşınmaz əmlakdan daha yüksək olacağı gözlənilir.
Real nümunə: 1962-ci ildə Klod Monenin “Jivernidə çəhrayı tağ” (1962-ci il) əsərinin qiyməti $65 min təşkil edirdi. Hazırda isə bu əsər $20 milyona civarında dəyərləndirilir. Ümumiyyətlə, qədim incəsənət əsərləri etibarlı investisiya hesab olunur. Tələb isə ildən-ilə artmaqdadır.
2023-ün “mavi çipləri”:
İncəsənət bazarının da öz "mavi çipləri" var. Adətən, beynəlxalq bazarda zövqləri Asiyadan olan investorlar diktə edir. Bu regionda milyonerlərin sayının sürətlə artmasını nəzərə alsaq, Asiya incəsənət bazarındakı inkişaf təəccübləndirici deyil.
Çinlilər impressionizmə və yerli rəssamlara üstünlük verir. Təsadüf deyil ki, əsərləri ən çox satılan rəssamlar sırasında Çinli adlar çoxdur.
2023-cü il üzrə “mavi çiplər” hesab olunan rəssamlar:
• Pablo Pikassi
• Klod Mone
• Endri Uorhol
• Mark Rotko
• Çao Utzi
• Can Datsan
• Tsi Baişi
• Jan-Mişel Baskiya
• Devid Hoki
• Gerhard Rihter
• Kazimir Maleviç
• Vasiliy Kansinskiy
“Qırmızı çiplər” isə əsərləri olduqca baha olan müasir rəssamlardır. Onların sırasında Dana Şuts, Amoako Boffo və Metyu Vonq kimi rəssamlar yer alır.
Beləliklə, 2023-də incəsənətə investisiya üçün 3 əsas səbəb gətirə bilərik:
1. İncəsənət əsərlərinin qiymət dinamikası, demək olar ki, digər alətlərdən asılı deyil;
2. İnflyasiyanın artımına qarşı daha dözümlüdür;
3. Düzgün zamanda alınan müasir əsər sürətlə bahalaşa bilər.
Unutmayın,
1. Yalnız incəsənəti sevirsinizsə, bu sahəyə investisiya etməyə dəyər. Perspektivli rəssamları müəyyənləşdirmək üçün trendləri araşdırmaq lazımdır.
2. Qədim incəsənət əsərləri daha gec bahalaşır. Daha sürətli nəticə üçün səhm, istiqraz və digər maliyyə alətlərinə investisiya edə bilərsiniz.
3. Bazarın likvidliyi aşağı olduğu üçün, platforma ilə ticarətə nisbətən, alıcı tapmaq uzun zaman ala bilər.