30 noyabr tarixində “AzerGold” QSC-nin istiqrazlarının ikinci tranş üzrə 10 000 000 (on milyon) ABŞ dolları həcmində olan yerləşdirilməsi Bakı Fond Birjasında rəqabətli hərrac üsulu ilə həyata keçiriləcəkdir. Eyni zamanda investorların nəzərinə çatdırmaq istərdik ki, ikinci tranşın yerləşdirilməsi üzrə investorlardan tutulan Birja komissiya haqqını (0.02%) “AzerGold” QSC öz üzərinə götürəcəkdir.
İstiqrazlar üzrə hər iki tranşda eyni bitmə və faiz ödənişlərinin tarixlərinin olması və hərrac zamanı qiymətlərdə ilkin yerləşdirmədən (24.09.2020) hərrac tarixinədək toplanmış faizlərin əks-olunmasını (təqribən 0.73 AZN hər istiqraz üzrə) tövsiyə edirik.
İstiqrazların baza emissiya prospekti və ikinci buraxılış üzrə yekun şərtlərini BFB-nin internet səhifəsində “Emitentlərin hesabatlılığı” bölməsindən əldə edə bilərsiniz.
İstiqrazlarla bağlı məlumatlar aşağıdakı kimidir:
Dövlət qeydiyyat nömrəsi – İSİN | İstiqrazların növü və forması | İstiqrazların sayı | Nominal Dəyəri | İllik faiz dərəcəsi | Tədavül müddəti | Kupon faizlərinin ödəniş müddəti |
AZ2002019878 | Faizli: təmin edilməmiş: sənədsiz: | 100 000 (ədəd) | 100 ABŞ dolları | 4% | 3 il | 90 təqvim günündən bir |
Yerləşdirmə üzrə anderrayter “PAŞA Kapital İnvestisiya Şirkəti” QSC-dir.
AzerGold Baza Emissiya Prospekti