illik təcrübə
PAŞA Kapital İnvestisiya Şirkəti 2012-ci ilin iyun ayında yaradılmış və 2021-ci ilin ilk doqquz ayında Bakı Fond Birjasında əməliyyat dövriyyəsini təqribən 10.2 milyard manata çatdırmaqla bu göstəriciyə görə ölkənin ən iri investisiya şirkətinə çevrilmişdir. Şirkət müştərilərə vasitəçilik, anderraytinq, marja ticarəti və digər investisiya xidmətləri təklif edir. Qeyd edək ki, şirkət “CBONDS” beynəlxalq maliyyə agentliyi tərəfindən “İlin ən uğurlu ilkin bazar yerləşdirməsi” mükafatına layiq görülmüşdür.
Ümumi məlumat
PAŞA Kapital İnvestisiya Şirkəti QSC (Şirkət) potensial namizədləri Auditor vəzifəsinə müraciət etməklə peşəkar komandanın üzvü olmağa dəvət edir.
Vəzifə öhdəlikləri
- Audit planı çərçivəsində nəzərdə tutulmuş sahələrdə audit prosedurları həyata keçirmək (audit obyektindən məlumatı toplamaq, əldə olunan məlumatı təhlil etmək və s.) və aşkar olunmuş kənarlaşmalar haqqında Audit Komitəsinə məlumat vermək;
- Aparılmış yoxlamalar barədə təhlillər və müsahibələr barədə yazılı iş sənədi hazırlamaq;
- Aşkar olunmuş nöqsan və çatışmazlıqların aradan qaldırılması üçün Şirkətin rəhbərliyi tərəfindən hazırlanmış tədbirlər planının icrasının monitorinqini həyata keçirmək;
- Audit üzrə iş və vaxt bölgüsü hesabatının hazırlanmasında iştirak etmək;
- Audit Komitəsi tərəfindən həvalə olunan digər tapşırıqları səlahiyyəti çərçivəsində yerinə yetirmək.
Namizədlərə əsas tələblər
- Müvafiq sahədə akademik dərəcə (ən azı ali iqtisadi və ya hüquqi təhsil);
- Peşəkar kvalifikasiya üzrə namizədlik (CIA / CFSA / ACCA / CPA / CIMA) arzu olunandır;
- Audit işinin təşkili və şirkətin fəaliyyət sahəsini tənzimləyən qanunvericilik və normativ tələblərə aid biliklər;
- Müvafiq iş təcrübəsi: 3 ildən artıq;
- Analitik bacarıqlar, ünsiyyət qurma bacarıqları;
- Kompüter savadlığı və müvafiq proqram təminatı (MS Windows məhsulları üzrə) ilə işləmək baçarığı;
- Azərbaycan və ingilis dillərini işgüzar səviyyədə bilməli.